På Møteplassen møtest fagfolk og leiarar innan arbeidsretta rehabilitering i spesialisthelsetenesta. Med Møteplassen ønskjer vi å løfte og vidareutvikle fagfeltet arbeidsretta rehabilitering. Årets konferanse blir arrangert på Zander K Hotel i Bergen 3.–4. november.
Av Tarja Kvalheim
Forskingsleiar, Røde Kors Haugland Rehabiliteringssenter
Pain Reprocessing Therapy (PRT) har stort potensial, og difor stiller vi spørsmåla: Kva er PRT? Kven kan ha nytte av PRT, og kva må eventuelt tilpassast når metoden blir brukt i arbeidsretta rehabilitering?
Smakebitar frå programmet
- Psykologspesialist og smerteforskar Peter Solvoll Lyby gir ei innføring i PRT, nevroplastisk smerte og den systematiske tilnærminga metoden byggjer på. Til dagleg arbeider han ved Smertepoliklinikken ved Sykehuset Østfold og har meir enn 15 års erfaring frå rehabiliteringsfeltet, mellom anna frå Sunnaas sykehus og CatoSenteret.
- Erfaringsdeling frå ulike institusjonar
- Implementering av PRT i arbeidsretta rehabilitering: Kva bør justerast når metoden blir tilpassa fagfeltet?
Røde Kors Haugland Rehabiliteringssenter arrangerer Møteplassen 2026 på vegner av Nasjonalt kvalitets- og kompetansenettverk for arbeidsretta rehabilitering. Nettverket består av Røde Kors Haugland Rehabiliteringssenter, Muritunet og Hernes Institutt, og blir leia av Nasjonalt kvalitets- og kompetansenettverk for arbeidsretta rehabilitering ved Rehabiliteringssenteret AiR.
Hald av datoane, og bli med på to dagar med fagleg påfyll og nettverksbygging!