Kommunane får meir ansvar for personar utanfor arbeid og utdanning, men vegen fram er framleis uklar. Korleis løyse floka? Bli med når to kommunar delar sine perspektiv og erfaringar under Arendalsuka!
Av Guro Lien
Nasjonalt kompetansesenter for arbeidsrettet rehabilitering
Regjeringa vil i Nasjonal helse- og samhandlingsplan styrke arbeidsretta rehabilitering i kommunane, men mange kommunar står dårleg rusta og kjenner seg usikre på ei slik oppgåve. Samstundes står kvar femte person i arbeidsfør alder utanfor arbeid og utdanning – mange på grunn av helseutfordringar.
Kva i all verda skal kommunane gjera no, når meir og meir ansvar fell på dei?
Møt ein kommune i villreie, og ein kommune som har løyst floka på eige initiativ: Kva kan dei lære av kvarandre, og kva kan me lære av dei?
Kom og bli inspirert til å finne løysingar som passar din kommune!
Desse deltek i panelet:
- Anne-Sofie Rønningen, avdelingsleiar, Rehabilitering, Arendal kommune
- Carina Kolnes, avdelingsleiar, Rehabilitering, læring og friskliv, Indre Østfold kommune
- Marianne Molle, teamkoordinator, Tverrfagleg vurderingsteam, Indre Østfold kommune
- Chris Jensen, leiar, Nasjonalt kompetansesenter for arbeidsrettet rehabilitering
Jo Vemund Svendsen, kommunikasjonsrådgjevar ved Rehabiliteringssenteret AiR, leier samtala og programmet.
Dato: Tysdag 13. august kl. 13:00, under Arendalsuka
Stad: Lille Hotell, Arendal / digitalt
Bli med digitalt: Arrangementet strøymast, slik at du kan få det med deg uansett kvar i landet du er.